Монголын морин спорт уяачдын холбоо, Бөхийн холбоо, Сурын холбоо болон ТББ-ууд нэгдэн өв соёлоо хамгаалах зорилготойгоор ҮАБЗ-д шаардлага хүргүүлж, төв талбай дээр тайван жагсаал зохион байгуулж байна.
Тэдний соёлын биет бус өв наадмыг ядаж ёсчилсон байдлаар зохион байгуулах ёстой гэсэн шаардлага хүргүүлж байгаа талаараа мэдээллээ.
Монголын морин спорт уяачдын холбооны дэд тэргүүн Б.Нямжав “Үндэсний өв соёлтой холбоотойгоор бид үндэсний аюулгүй байдалд аюул учруулсан гэж ойлгож болохоор үйл явдалтай холбоотойгоор ҮАБЗ-д мэдэгдэл хүргүүлж байна.
Нөхцөл байдлаа харгалзаж үзээд наадмаа заавал ёсчлон тэмдэглэхийг шаардаж байна. Бидний өгсөн шаардлагын хариуг ханган ажиллах үүднээс ҮАБЗ-ийг яаралтай хуралдуулж, 2021 оны долдугаар сарын 8-ны өдрийн 15 цагаас өмнө хариу ирүүлнэ үү. Хэрэв бидний шаардлагыг хүлээж авахгүй, татгалзсан хариу өгвөл бид тэмцлийн хурц хэлбэрт шилжихээ мэдэгдэж байна" гэлээ.
Түүнчлэ уяачдын төлөөлөл заавал долдугаар сарын 11-нд биш ч Наадмыг тэмдэглэх ёстой гэж үзэж байгаа талаараа мэдээлсэн юм.
