Засгийн газраас гаргасан шийдвэрийн талаар Сангийн сайд Б.Жавхлан танилцууллаа. Тэрбээр вакцинжуулалтыг эрчимжүүлэхээр Засгийн газраас хоёр төрлийн арга хэмжээг хэрэгжүүлэх болсон.
Тодруулбал, вакцин хийлгээгүй иргэдэд албадлагын арга хэмжээг авна. Харин вакцинаа бүрэн хийлгэсэн иргэдэд тодорхой хэмжээний урамшуулал олгохоор болсон. Вакцин сайн дурынх боловч Ковид19 цар тахал нь дэлхий нийтийг маш том сорилтын өмнө авчирлаа. Иймд вакцинаа хийлгэх нь иргэний хариуцлагын асуудал болоод байна. Вакцинд хамрагдаагүй хүмүүсийн өмнөөс нийгэм даяараа эрсдэлд орж болохгүй.
Вакцинд хамрагдсан иргэдэд иргэдэд 50 мянган төгрөг хүртэлх эрүүл мэндийн багцыг Эрүүл мэндийн даатгалын сангаас олгохоор бэлтгэж байсан. Харин одоо үүнийг нь бэлэн мөнгөөр тооцож олгохоор боллоо" гэлээ.
Түүнчлэн хүнсний талон авдаг 47 мянган иргэний 29 мянга нь вакцины нэгдүгээр тунд ч хамрагдаагүй аж. Тиймээс нийгмийн халамж үйлчилгээг хүртээхдээ вакцинд хамрагдсан эсэхийг харгалзан үзэх аж.
