Бүх Японы ахлах сургуулийн чөлөөт бөхийн 64 дэх удаагийн аварга шалгаруулах “Казама Кап” тэмцээн гуравдугаар сарын 24-26-нд Нигата мужид болжээ.
Тус тэмцээнд "Кашива Ниттай” ахлах сургуулийн нэгдүгээр ангийн сурагч, 17 настай монгол хүү Батбаярын Намбардагва 125 кг-ын жинд зургаан барилдаан хийж алтан медаль хүртсэн байна. Домогт бөх Саори Ёшидагийн төрсөн ахын удирддаг "Ичиши" залуучуудын клубийн багш Р.Баяраа түүнийг 2020 онд уг сургуульд оруулсан байна.
Б.Намбардагвын нь Говь-Алтай аймгийн Бугат сумын харьяат Монгол Улсын начин Дугардоржийн Батбаярын хүү юм.
