Бүгд найрамдах Киргиз улсын Бишкек хотод чөлөөт бөхийн насанд хүрэгчдийн Ази тивийн аварга шалгаруулах тэмцээн болж байна. Өнөөдөр эмэгтэйчүүдийн 50 кг, 55 кг, 59 кг, 68 кг, 76 кг-ын жингийн барилдаанууд болж финалд өрсөлдөх бөхчүүд тодорно.
Манай бөхчүүдээс 55 кг-ын жинд О.Ариунзаяа Узбекистаны бөх Д.Матназароваг ялж хагас шигшээд үлдлээ. Түүний дараагийн өрсөлдөгч ДАШТ-ий хүрэл медальт Японы бөх Совака Үчида юм.
Мөн 68 кг-ын жинд ДАШТ-ий мөнгөн медальт Э.Дэлгэрмаа эхний тойрогт Узбекистаны Светлана Окназароваг ялж, БНСУ-ын бөх Пак Хёнтой барилдахаар оноолт таарлаа.
Харин 50 кг-ын жинд Б.Мөнхнар, 59 кг-ын жинд Х.Болортуяа нар эхний барилдаанд ялагдсанаар дагах барилдаан хүлээх боллоо.
Хагас шигшээн барилдаан Улаанбаатарын цагаар 18:00-с эхэлнэ.
