Нийслэлд халдварын тоо нэмэгдэн цар хүрээ тэлэгдэх хандлагатай болж ирж байна. 2020 оны арваннэгдүгээр сарын 11-наас хойш 28 голомт үүсэж хариу арга хэмжээ авч ажилласан. Үүнээс 9 голомт нь маш том голомт байсан. Хүрээ нь тодорхойлогдож хязгаарлагдсан. Одоогоор долоон голомт идэвхжил нь буурсан ч үргэлжлэн гарсаар байна.

Нэгдүгээр сарын 25-наас хойш үүссэн 13 том голомт үргэлжлэн идэвхтэй байна. Тухайлбал,

ТҮК-тай холбоотой голомт үргэлжлэн нийт 20 хүн өвдсөн.

Баянзүрх дүүргийн 8 дугаар хорооны Х apartment–ын СӨХ-тэй холбоотой гарсан идэвхтэй үргэлжлэн 11 хүн өвчилсөн.

GB Tower-т байрладаг ББСБ-ын голомт маш идэвхтэй үргэлжилж байна. Эндээс сүүлийн 2-3 хоногт 24 тохиолдол бүртгэгдсэн.

Гутлын цехтэй холбоотой голомтод 10 хүн бүртгэгдсэн.

Гэр бүлийн хүрээнд буюу Баянзүрх дүүргийн 26, Баянгол дүүргийн 12 дугаар хорооны 19 дүгээр байр, Баянзүрх дүүргийн 5 хорооны 6 дугаар байрны голомтууд идэвхтэй үргэлжлэн нийт 40 гаруй тохиолдол бүртгэгдээд байна.

Микс пиццаны газартай холбоотой голомт идэвхтэй үргэлжлэн 15 тохиолдол бүртгэгдсэн.

Хүүхдийн асрамжийн газарт голомт идэвхжиж, тэнд 3 багш 2 хүүхэд халдвар аван 6 хүүхдийг тусгаарласан байна.

Голомтын хүрээ тэлж, ард иргэдийн дунд шинж тэмдэггүй хөнгөн балархай хэлбэрээр явж байх эрсдэл өндөр байна.