“Улаанбаатар марафон-2026” олон улсын гүйлт тавдугаар сарын 23-ны өдөр болно. Уг гүйлтэд оролцохоор бүртгүүлсэн 1.5 км болон 5.0 км зайн гүйлтийн энгэрийн дугаарыг ирэх баасан гараг буюу тавдугаар сарын 8-ны өдрөөс эхлэн Нийслэл болон дүүргүүдийн Биеийн тамир, спортын хороогоор дамжуулан олгохоор болжээ. Иймд дээрх эрүүл мэнд болон гэр бүлийн зайд гүйхээр бүртгүүлсэн иргэд дүүрэг харгалзахгүйгээр өөрт ойр байрлах Биеийн тамир, спортын хороонд очин дугаараа авах боломжтой юм байна.
“Улаанбаатар марафон-2026” олон улсын гүйлтэд энэ жил 46 306 хүн бүртгүүлжээ.
