Цар тахал дэгдсэнээс хойш манай улс авто болон агаарын замаар нийт 22,973 иргэнээ эх оронд нь авчирсан талаар ГХЯ-ны Консулын газрын захирал Л.Мөнхтүшиг хэллээ.

Тэрбээр “Өнгөрсөн хугацаанд бид авто болон агаарын замаар бид нийтдээ 22,973 иргэнээ эх оронд нь авчраад байна. Агаарын замаар буюу 82 удаагийн тусгай үүргийн нислэгээр гадаадын 81 орноос 16,483 иргэн, авто замаар 6,535 иргэн тус тус иржээ" гэв.

Мөн БНХАУ-аас нутаг буцах хүсэлт гаргаад байсан цөөн тооны иргэнийг өчигдөр Замын-Үүдийн боомтоор эх оронд нь нэвтрүүлжээ.

Хилийн чандаас нутаг буцах хүсэлт гаргаж байгаа иргэдийн тоо харьцангуй өндөр мэт байгаа боловч сүүлийн үед иргэд хүсэлтээ цуцалж буйг онцоллоо.

Өчигдөр Замын-Үүд боомтоор 130 гаруй иргэн орж ирэхээр тооцоолж байсан ч рдөө 30-хан хүн ирсэн аж.Маргааш ирэх Сиатл-Улаанбаатар чиглэлийн онгоц гэхэд л 10 гаруй суудал хоосон ирж байна.

Тиймээс ирэх сард үйлдэгдэх транзит нислэгээр ирэх хүмүүсийн тоог харгалзаж дахин Сиэтл-Улаанбаатар чиглэлд нислэг үйлдэх эсэхийг шийднэ гэлээ.

Аравдугаар сард нийт 11 тусгай үүргийн нислэг үйлдэж, иргэдээ авчрахаар төлөвлөсөн. Тэдгээрээс долоо нь Сөүл-Улаанбаатарын чиглэлд ниснэ.