АНУ-ын эрдэмтэд “Covid-19”-ийн халдвар дэгдэхээс өмнө буюу 2015-2018 оны хооронд эрүүл иргэдээс авсан цусны дээжийг шинжлэн заримд нь туслагч (helper) болон устгагч (killer) Т-лимфоцит дархлааны эс байгааг илрүүлжээ.

Эрдэмтэд үүнийг тайлбарлахдаа, эдгээр иргэд өмнө нь өөр төрлийн коронавирусийн халдвар авч улмаар биед нь дархлааны Т-лимфоцит эс үүссэн байх магадлалтай хэмээн дүгнэж байгаа аж. Уг эс нь “Covid-19” өвчнийг үр дүнтэй эсэргүүцдэг эсэх нь бүрэн тогтоогдоогүй ч вакцины цаашдын судалгаанд чухал үүрэг гүйцэтгэнэ хэмээн үзэж байгаа тухай тагнуулын байгууллагын цахим сайтад мэдээлжээ.