БНХАУ-ын Хубэй мужид коронавирусийн халдварын улмаас амиа алдсан хүний тоо огцом нэмэгджээ. Ингэснээр үхлийн хувь мөн өсч, 2.83 хувь байснаа 2.91 хувь болсон байна. Тодруулбал 58.1 мянган хүн халдвар авч, 1696 хүн нас баржээ. 6639 хүн эдгэрсэн байна.

Халдварын голомт болсон Ухань хотод халдвартай иргэдийн тоо 41.1 мянгад хүрсэн байна. Хоёр, гуравдугаарт Сяогань 3.2 мянга, Хуангань 2.8 мянган тохиолдлоор бимчигдэж байна.

Хубэй мужид корона вирусийн халдвартай гэсэн оноштойгоор эмнэлэгт хэвтэж байгаа хүмүүсээс 8000 гаруй хүний биеийн байдал хүнд, 1700 гаруй хүний биеийн байдал тогтворгүй буюу маш хүнд байгаа аж.

Сайн мэдээ нь, шинэ төрлийн корона вирус Covid19-ийг эмчлэх эм Чэцянь мужийн Тайчоу хотод гарсан байна. Үр дүнтэй нь бүрэн батлагдаагүй байгаа энэ эмчийн нэрийг “Favipiravir” буюу хятадаар  法维拉韦 («Фавэйлавэй») гэдэг аж.