Жүдо бөхийн дэлхийн аварга шалгаруулах эрэгтэйчүүдийн 33, эмэгтэйчүүдийн 24 дэх удаагийн тэмцээн Японы Токио хотод үргэлжилж байна.

Эмэгтэйчүүдийн 70 кг-д хүч сорьсон өсвөр үеийн Азийн АШТ-ий хүрэл медальт, ОУХМ Ц.Энхчимэг эхний тойрогт Бельгийн бөхөд ялагдан, тэмцээнээ дуусгалаа.

Эрэгтэйчүүдийн 90 кг-д армийн дэлхийн аварга, Азийн наадмын мөнгөн медальт, сумын заан, “Алдар” спорт хорооны бөх Г.Алтанбагана эхний тойрогт хийлсэн. Тэрбээр удаах даваанд Италийн Н.Мунгайтад ялагдан, үзэгчийн суудалд шилжив. Ингэснээр Монголын жүдочод өнөөдөр ДАШТ-ээс медаль хүртэх боломжгүй боллоо.