Засгийн газрын өнөөдрийн хуралдаанаар Баян-Өлгий аймгийн Цагааннуур, Ховд аймгийн Ярант, Увс аймгийн Боршоо, Завхан аймгийн Арцсуурь, Говь-Алтай аймгийн Бургастайн боомтоор оруулж ирэх улаанбуудайн гурил, мал, амьтны тэжээл, тэжээлийн нэмэлтийг гаалийн албан татвараас чөлөөлөх шийдвэр гаргалаа. Ингэхдээ энэ сарын 16-наас 2026 оны дөрөвдүгээр сарын 10-ныг хүртэлх хугацаанд импортын татварыг тэглэх шийдвэр гаргажээ.

Улаанбаатараас алслагдсан бүс нутагт гурил, тэжээлийн үнэ өндөр байдгаас гадна өвөлжилт хүндрэх нөхцөлтэй тул ийм шийдвэр гаргажээ.