2026 оны Физикийн салбарын Нобелийн шагналыг Бельгийн эрдэмтэн Фрэнсис Халзенд хүртлээ.

Шведийн Хааны Шинжлэх Ухааны Академиас гаргасан мэдэгдэлд Фрэнсис Халзен нь астрофизикийн гаралтай өндөр энергитэй нейтриног нээж улмаар IceCube нейтрино Одон орон судлалын төвийг үндэслэсэн нь сансар судлалд  цоо шинэ чиглэлийн суурийг тавьсан гэдгийг тодотголоо. 

Халзен 34 жилийн өмнө сүнслэг бөөм буюу нейтриног мөшгихөд Өмнөд Туйлын мөсийг ашиглах аргыг сэджээ. Нээлтийн үр дүнд сансар огторгуйгаас гаралтай нейтрино бөөмсийг судлах "IceCube" Одон орон судлалын төв байгуулагдсан юм.

Өмнөд Туйлын мөс нейтринотой маш сул харилцан үйлчилдэг тул илрүүлэхэд нэн бэрх бөөмсийг мөшгихөд ашигладаг. Гэрэл мэдрэгчээр тоноглогдсон нэг куб километр эзлэхүүнтэй мөсөн байгууламж болох "IceCube" нейтрино төвийг байгуулснаар сансар огторгуйд нэн өндөр энергийн процессоор үүссэн нейтриног илрүүлж чаддаг болжээ.