Дөрвөн өдрийн дотор шатахуун тасалдаж байгаа асуудал цэгцэрнэ гэдгийг Аж үйлдвэр, эрдэс баялгийн сайд Г.Дамдинням нийгмийн сүлжээндээ мэдээлжээ.
Тэрээр энэ талаар "Хоёр өдөр тун хүнд өнгөрсөнд уучлал хүсье. ОХУ-н талтай хийсэн эрчимтэй яриа хэлэлцээний үр дүнд өнөөдөр Улаанбаатар хотод 75 вагон буюу 4500 тонн АИ-92 бууна. Улаанбаатар хотын дөрвөн өдрийн ердийн хэрэглээ гэсэн үг юм. Маргааш мөн 75 вагон АИ-92 бууна. Мөн АИ-95 автобензинийн хувьд БНХАУ-с 3000 тонн, ОХУ-с 600 тонн нийт 3600 тонн бууна. Аи-95 бензинийн хувьд нэг сарын ердийн хэрэглээ юм. Бүх ШТС-даар шуурхай түгээх ажлыг зохион байгуулж байна" гэв.
