Энэ оны эхний зургаан сард Умард Солонгосоос дүрвэсэн нийт 63 хүн Өмнөд Солонгост суурьшихаар иржээ. Энэ нь өнгөрсөн оны мөн үеийнхээс бараг 35 хувиар буурсан үзүүлэлт болсныг Өмнөд Солонгосын Нэгдлийн яам пүрэв гарагт мэдээллээ.
Шилжин суурьшигчдын 59 нь эмэгтэй, дөрөв нь эрэгтэй байжээ. Ингэснээр Өмнөд Солонгост суурьшсан Умард Солонгосоос дүрвэгчдийн нийт тоо 34 600-д хүрэв. Харин өнгөрсөн оны эхний хагаст 96 дүрвэгч ирж байлаа.
Нэгдлийн яамны албан тушаалтны тайлбарласнаар, дүрвэгчдийн тоо эрс буурсан нь Умард Солонгос–Хятадын хилийн хяналт чангарах, мөн гуравдагч орнуудаар дамжин зорчих хөдөлгөөнийг хязгаарласантай холбоотой аж.
Ковид-19 цар тахлын үед Пёньяны хатуу хилийн бодлогын улмаас дүрвэлт эрс багассан ч дараагийн жилүүдэд нь дахин өсөх хандлагатай болсон. Тодруулбал, 2023 онд 196, 2024 онд 236, 2025 онд 224 хүн Өмнөд Солонгост дүрвэн иржээ.
