Дайн үргэлжилсээр байгаа энэ үед Украин, Орос улсууд амиа алдсан цэргүүдийн шарил солилцон, гэр бүлүүдэд нь оршуулах боломж олгожээ.
Украин Оросоос дайнд амь үрэгдсэн 1000 цэргийн шарилыг хамгийн сүүлчийн солилцооны хүрээнд хүлээн авсан гэж мэдэгдлээ. Энэ дайн бараг дөрвөн жил үргэлжилж, хоёр талд ихээхэн хохирол учруулсаар байна.
Орос, Украин дайны эхэн үед байгуулсан тохиролцооны хүрээнд талийгаачдыг эх оронд нь авчирч, гэр бүлүүдэд нь оршуулах боломж олгохоор болсон юм.
Кремлийн туслах Владимир Мединский “Истанбулын хэлэлцээрийн хүрээнд 1000 украин цэргийн шарилыг Украинд шилжүүлсэн бөгөөд 38 орос цэргийн шарил Орост буцаж ирсэн” гэж мэдэгджээ.
Украины Дайны олзлогдогсдын асуудал хариуцсан Зохицуулах штаб мөн шилжүүлгийг баталж, “өнөөдөр нөхөн шилжүүлгийн ажиллагаа явагдаж, 1000 шарил Украинд буцаж ирлээ” гэж мэдэгдсэн байна.
