Миланы загварын долоо хоногийн хамгийн анхаарал татсан өдрүүдийн нэг нь өнөөдөр болж байна.

Энэ өдөр "Sunnei" брэндийн үүсгэн байгуулагч Лорис Мессина, Симоне Риццо нар анхны шоугаа танилцуулах бол "Gucci"-гийн бүтээлч захирал Демна 2027 оны хавар-зуны хоёр дахь коллекцоо толилуулна.

Миланы загварын долоо хоног энэ жил есдүгээр сарын 22-28-ны өдрүүдэд үргэлжилж байгаа бөгөөд нийт 54 танхимын шоу, зургаан дижитал үзүүлбэртэй.

Ялангуяа "Moschino"-гийн шинэ үеийн эхлэл, "Gucci"-гийн Демнагийн дараагийн алхам нэг өдөр давхцаж байгаа нь салбарынхны анхаарлыг татаж байна. Мөн энэ өдөр "Tod’s, Elisabetta Franchi" зэрэг орднуудын танилцуулга, залуу дизайнеруудын арга хэмжээнүүд зэрэг олон хөтөлбөр зэрэгцэн явагдана.

Миланы энэ удаагийн долоо хоног дэлхийн тансаг зэрэглэлийн зах зээлд борлуулалт болон хэрэглэгчийн эрэлт саарсан үед болж байгаа тул дизайнеруудын шинэ санаа, брэндүүдийн эрс шинэчлэл бүхий чиглэлд онцгой анхаарал хандуулж байгаа аж.