Нийслэлийн нутаг дэвсгэрт ой хээрийн түймэр, шар өвсний гал түймрийн эрсдэлийг бууруулах, урьдчилан сэргийлэх чиглэлээр мэргэжлийн байгууллагуудын хамтарч 33 байршилд хөдөлгөөнт эргүүл ажиллаж байна.
21 бүлгийн 150 орчим алба хаагч, өдөр бүр гал түймрээс урьдчилан сэргийлэх сэрэмжлүүлэг, зөвлөмжийг хүргэн, аюулгүй байдлыг ханган ажиллаж байгаа аж.
Одоогийн байдлаар хуурайшилтын үед ногоон бүс, зуслангийн чиглэлд зөрчил гаргасан 20 гаруй иргэнд 2 сая төгрөгийн торгууль ногдуулж, хариуцлага тооцжээ. Иргэдийг галын аюулгүй байдлаа хангахыг Нийслэлийн Онцгой байдлын газраас анхааруулж байна.
