АНУ, Ираны хоорондох дайны улмаас түлшний үнэ нэмэгдэж, дэлхий даяар инфляц улам нэмэгдэх вий гэсэн болгоомжлолын дор алтны ханш буурч байна.
Даваа гарагт үнэт металлын ханш 3.3 хувиар буурч, нэг унц нь 4146.51 ам.доллар буюу сүүлийн хоёр сарын үзүүлэлтээр хамгийн бага түвшинд хүрчээ.
Газрын тосны үнэ нэмэгдэж, долларын ханш болон АНУ-ын Сангийн яамны бондын өгөөж дээшилсэн нь инфляцын түгшүүрийг нэмэгдүүлж, металлын зах зээлд нэмэлт дарамт үүсгэсэн байна.
Уламжлалт ойлголтоор алт уг нь инфляцаас хамгаалах хэрэгсэл гэж тооцогддог ч Төв банкууд бодлогын хүүгээ өсгөх үед үнэ унах хандлагатай байдаг.
АНУ-ын Төв банк болох Холбооны нөөцийн сан энэ сарын эхээр бодлогын хүүгээ 0.25 нэгжээр нэмэгдүүлж ирэх саруудад ч дахин нэмэх магадлалтайг сануулсан.
Ерөнхийлөгч Д.Трамп мөргөлдөөнийг шийдвэрлэх болон Ормузын хоолойг дахин нээх Ираны саналыг няцаасны дараа ам.долларын ханш сүүлийн хоёр сарын дээд түвшнээ тогтмол барьж, газрын тосны үнэ бараг 3 хувиар өссөн байна.
"American Gold Exchange"-ийн зах зээлийн шинжээч Жим Выкоффын хэлснээр Сангийн яамны бондын өгөөж болон ам.долларын ханш өссөн нь металлын үнийг огцом бууруулахад нөлөөлсөн таатай нөхцөл болж байна.
Энэ зуурт мөнгөний үнэ мөн 4.7 хувиар буурч нэг унц нь $61.27 болжээ.
