Афганистан улс Пакистаны нийслэл Кабул хот дахь эмнэлгийг онилсон агаарын цохилт өгсөн гэж буруутгалаа. Халдлагын улмаас дор хаяж 400 хүн амиа алдсан гэж мэдэгдлээ.
Засгийн газрын дэд хэвлэлийн төлөөлөгч Хамдулла Фитрат “Оройн 21:00 цагийн орчимд болсон халдлагын улмаас 2000 ортой эмнэлгийн ихэнх хэсэг сүйдсэн” гэж мэдэгдсэн байна. Одоогоор 250 орчим хүн шархадсан гэж мэдээлжээ.
Харин Пакистаны тал энэ мэдэгдлийг няцааж байна. Ерөнхий сайд Шехбаз Шарифын хэвлэлийн төлөөлөгч уг халдлага эмнэлгийг чиглээгүй гэж мэдэгдсэн.
Афганистаны Засгийн газрын хэвлэлийн төлөөлөгч Забихулла Мужахид энэ үйлдлийг эрс буруушааж, “иргэдийн байгууламжийг онилсон, хүн төрөлхтний эсрэг гэмт хэрэг” гэж мэдэгдсэн байна.
НҮБ-ын Аюулгүйн зөвлөл Афганистаныг терроризмтой тэмцэх арга хэмжээгээ эрчимжүүлэхийг уриалсан тогтоол баталжээ.
Сүүлийн долоо хоногуудад Афганистан, Пакистаны хоорондын зөрчил хурцдаж, хил орчимд буудалцаан, агаарын цохилтууд нэмэгдсэн байна. Пакистан улс “нээлттэй дайн” зарласан нь олон улсын анхаарлыг татаж байгаа юм.
