Азийн хөлбөмбөгийн холбооноос U20 насны эрэгтэй багуудын 2027 оны Азийн аварга шалгаруулах тэмцээний урьдчилсан шатны I хэсгийн тоглолтыг Монгол Улсын талбайд зохион байгуулж байна. Энэ хэсгийн хоёр дахь тоглолт маргааш Гуам болон Умард Марианы арлуудын багуудын хооронд болно.
Хэсгийн эхний тоглолтод Монгол Улсын шигшээ баг Умард Марианы арлуудын багийг 7:0-оор хожиж, хэсгээ тэргүүлж эхэлсэн юм. Манай залуучуудын шигшээ багаас Н.Эрдэнэбаатар, Дантел Даян Ходгес, Б.Сүлд-Эрдэнэ, Э.Энэрэл, Ёндонжамцын Жэсон нар нэг гоол хийсэн. Харин Э.Болор хоёр гоол хийж, энэ хэсгийн мэргэн буучдын жагсаалтыг тэргүүлж эхэллээ.
Монгол Улсын шигшээ баг хоёр дахь тоглолтоо Гуамын шигшээ багтай ирэх ням гарагт буюу есдүгээр сарын 6-ны 13:00 цагаас хийнэ.
