“Улаанбаатар марафон-2026” олон улсын гүйлт тавдугаар сарын 23-нд болохтой холбогдуулан Нийслэлийн Биеийн тамир, спортын газраас мэдээлэл өглөө.

Энэ жилээс эхлэн Дэлхийн болон Азийн хөнгөн атлетикийн холбоонд албан ёсны бүртгэлтэй болсон марафоны зам нь олон улсад бүртгэлтэй болжээ. Мөн энэ зам дээр гүйсэн цагийн үзүүлэлт олон улсад хүчинтэй болж байгаа учир элит ангиллын тамирчдад боломж гарч ирснийг онцоллоо. Иймээс элит тамирчид Монголын замд уралдаж, амжилтаа бүртгүүлэх боломжтой болжээ.  Энэ жилийн уралдаанд Кени, Япон, ОХУ зэрэг орноос мэргэжлийн тамирчид оролцохоо мэдэгдсэн байна. Мөн марафоны анхны түрүү гавьяат тамирчин Б.Сэр-Од, марафонч Б.Мөнхзаяа нарын алдарт тамирчид уралдахаар болжээ.

Иргэд эрүүл мэндийн гүйлт 5 км, гэр бүлийн 1500 м-т гүйх боломжтой. Мөн хөгжлийн бэрхшээлтэй иргэдийн оролцох төрөл зай бий. Замын бүрэн мэдээллийг https://ulaanbaatar.marathon.mn/ -д тавьж байгааг анхааруулсан.

21 км 095м зайд гүйх гүйгчид төв талбайгаас гараа хийж зүүн дөрвөн зам, “Нарантуул” худалдааны төв, Амгалан өртөөгөөр эргэн Үндэсний цэцэрлэгт хүрээлэнгээр дамжин барианд орно. Энэ замыг 2025 оны тэмцээнээр анх нээсэн учир энэ замын хөдөлгөөнийг өнгөрсөн жилийнх нь саатуулахыг анхаарууллаа. Замын хөдөлгөөнийг 08:00-18:00 цаг хүртэл хаахаар болсон байна. Иргэдийг гүйлтийн өмнө эрүүл мэндийн үзлэг хийж, цаг тутамд бэлтгэлтэй байхыг анхаарууллаа. 

"Улаанбаатар марафон-2026"-д өнөөдрийн байдлаар 11 мянган иргэн оролцохоор бүртгүүлжээ. Бүртгэлийг тавдугаар сарын 1-н хүртэл авахаар болжээ.