Хятадын эрдэмтэд ирээдүйд байгуулах саран дээрх баазуудаа хамгаалах, хянахад робот нохой ашиглах боломжийг судалж байна. Үүний зэрэгцээ сарны гадаргуугаас нөөц илрүүлэх, дээж цуглуулах зэрэг ажилд дугуйт болон хүн хэлбэрийн роботуудыг ашиглахаар төлөвлөжээ.
Хятадын сарны бааз байгуулах төлөвлөгөөг боловсруулж буй судлаачид хүн болон роботууд хамтран ажиллах нь үндсэн концепцын нэг болно гэж үзэж буй талаар Chinese Space Science and Technology сэтгүүлд нийтлэгдсэн шинэ судалгаанд дурдсан байна.
Судалгаанд дэвшүүлсэн нэг хувилбараар, гурван сансрын нисгэгч сарны гадаргуу дээр судалгаа хийж, тэднийг хоёр робот нохой дагалдана. Роботууд чулуулаг, хөрсний дээж цуглуулах, химийн шинжилгээ хийх зэрэг ажлыг гүйцэтгэнэ.
Мөн дөрвөн хөлтэй, “робот нохой” хэмээн нэрлэгддэг роботууд:
“Хятад улс хүн төрөлхтний сансрын нислэгийн хил хязгаарыг дэлхийн тойрог замаас сар хүртэл өргөжүүлж байна” гэж Хятадын Сансар судлалын технологийн академийн эрдэмтэд бичжээ.
Тэдний үзэж байгаагаар хүн-роботын хамтын ажиллагаа нь хүний болон роботын давуу талуудыг харилцан нөхөх боломж олгоно. Ингэснээр Хятадын ирээдүйн сарны судалгааны станцыг илүү үр ашигтай байгуулж, удаан хугацаанд ажиллуулах боломжтой болох юм.
Яагаад хүн ба роботыг хослуулах шаардлагатай вэ?
Сарны орчин маш хүнд. Тодруулбал,
Ийм нөхцөлд зөвхөн хүн ажиллуулах нь эрсдэлтэй, их хэмжээний нөөц шаарддаг бол зөвхөн робот ашиглах нь урьдчилан таамаглаагүй нөхцөлд шийдвэр гаргах чадвар хязгаарлагдмал асуудалтай.
Сар дэлхийгээс ойролцоогоор 380 000 км зайтай. Радио дохио хоёр талдаа явахад 2.5 секунд хүртэл хугацаа шаардагддаг. Тиймээс роботуудыг Дэлхийгээс шууд удирдахын оронд сарны гадаргуу дээр байгаа хүмүүс роботыг шууд удирдах нь илүү үр дүнтэй гэж эрдэмтэд үзжээ.
Жишээлбэл, робот урьд өмнө нь огт ажиглаагүй зүйлтэй тулгарвал саран дээр байгаа сансрын нисгэгч нөхцөл байдлыг өөрөө үнэлж, роботод юу хийхийг шийдэж өгч чадна.
Судалгааны үндсэн санаа нь роботууд бие махбодийн хүнд ажлыг гүйцэтгэж, хүмүүс илүү өндөр түвшний дүгнэлт, шийдвэр гаргалтыг хариуцах хамтын систем юм.
Хятадын Сарны баазын төлөвлөгөө
Хятад улс Орос болон бусад олон улсын түншүүдтэй хамтран Олон улсын сарны судалгааны станц (ILRS) байгуулахаар төлөвлөж байгаа бөгөөд 2030 он гэхэд Саран дээр хүн буулгах зорилт тавиад байна.
Шинэ судалгаанд сарны баазыг модульчлагдсан бүтэцтэй байхаар төсөөлжээ. Өөрөөр хэлбэл, модулиуд нь үндсэн бүтцийн хувьд ижил стандарттай боловч зориулалтаасаа хамааран өөр өөр тоног төхөөрөмжтэй байна.
Нэг модуль нь ойролцоогоор 3 метрийн диаметртэй, 16 м³ орчим дотоод эзлэхүүнтэй, 10 тонн орчим жинтэй байж болох аж.
Модулиудыг цацраг, температурын эрс тэс өөрчлөлт болон сарны тоосны нөлөөнд тэсвэртэй материалаар хийн хооронд нь холбогч коридороор залгана.
