Узбекистаны Самарканд хотод болж буй дэлхийн шатрын олимпиад талдаа орлоо. Тэмцээний зургаа дахь өргийн тоглолт өчигдөр болж, манай эмэгтэй шатарчид тав дахь хожлоо авлаа.
Монгол Улсын эмэгтэй баг Ирантай оноолт таарч 3:1-ээр чухал хожил авснаар 12 дугаар байрт бичигдэж эхэллээ. Өнөөдөр болох долоо дахь өрөгт манай эмэгтэйчүүд Францын багтай тоглоно.
Францын эмэгтэйчүүд таван хожил, нэг хожигдолтойгоор манай багийн урд буюу 11 дүгээр байрт жагсаж байна.
Харин эрчүүд гурван хожил, гурван хожигдолтой 205 орны 208 багаас 82 дугаар байрт бичигдэж байна. Өнөөдөр манай эрэгтэй баг Угандагийн шатарчидтай тоглоно.
Дэлхийн шатрын олимпиадад Монголын эрэгтэйчүүд 1970 онд 16, эмэгтэйчүүд 1990 онд 12 дугаарт байрт эрэмбэлэгдсэн нь хамгийн дээд амжилт юм.
