Нийслэлийн Засаг даргын Тамгын газрын Нийгмийн бодлого хариуцсан алба дөнгөж сая Нийслэлийн хэвлэл мэдээллийн төвд хэвлэлийн бага хурал хийлээ. Тус хурлаар ЕБ-ын тусгай 29 дүгээр сургуулийн захирлыг өнөөдрөөс эхлэн ажлаас нь чөлөөлж буй талаар мэдэгдсэн юм.

Энэ үеэр Нийслэлийн Засаг даргын Нийгмийн асуудал хариуцсан орлогч Ш.Анхмаа “29 дүгээр сургууль дээр үүсээд буй нөхцөл, зөрчилтэй холбогдуулан Нийслэлийн Засаг дарга захирамж гаргалаа. Тус сургууль дээр үүсээд байсан нөхцөл байдлыг шалгах ажлын хэсэг Боловсролын сайдын тушаалаар байгуулагдсан. Ажлын хэсгийн дүгнэлтийг үндэслэн өнөөдрөөс эхлэн 29 дүгээр сургуулийн захирал Б.Батсайханыг ажлын ажлаас нь чөлөөллөө” гэв.

Түүнийг ажлын хариуцлага алдсан гэж үзэн ажлаас нь чөлөөлж байгаа бөгөөд Б.Батсайхан нь 2009 оноос хойш тус сургуулийн захирлаар томилогдон ажиллаж байжээ. Харин багш нар сурагчдыг зодож, сурагчдад бэлгийн дарамт үзүүлдэг эсэхийг Сүхбаатар дүүргийн нэгдүгээр хэлтсээс шалгаж буй бөгөөд дүгнэлт эцсийн байдлаар гараагүй аж. Түүнчлэн түүний ажлыг түр орлон гүйцэтгэх хүнийг томилсон төдийгүй, нийслэлийн хэмжээнд үйл ажиллагаа явуулж буй зургаан тусгай сургуульд шалгалт явуулах ажлын хэсгийг Засаг даргын захирамжаар байгуулсан байна.

"Ийгл Ньюс" телевизийн редакцийн хувьд эрх нь зөрчигдөж буй хүүхдүүдийн эрхийг бүтэн болгохын төлөө, тэр хүүхдүүдийн сурч боловсрох, ямар нэгэн дарамтад өртөхгүй байх эрхийг хангахад холбогдох яам, албан тушаалтнууд ямар арга хэмжээ авах нь илүү хүлээлттэй байгаа юм.

Ийн "Ийгл Ньюс" телевизийн сэтгүүлч У.Болортуяагийн бэлтгэсэн "Чимээгүй хашгираан" нэвтрүүлэг тодорхой хэмжээнд үр дүнгээ өгч холбогдох албан тушаалтанд хариуцлага тооцсон байна. Гэхдээ зөвхөн тус сургуулийн захирал Б.Батсайханыг ажлаас нь чөлөөлснөөр энэ асуудал бүрэн шийдэгдэхгүй.

Иймд, "Ийгл Ньюс" телевизийн редакцийн хувьд эрх нь зөрчигдөж буй хүүхдүүдийн эрхийг бүтэн болгохын төлөө, тэр хүүхдүүдийн сурч боловсрох, ямар нэгэн дарамтад өртөхгүй байх эрхийг хангахад холбогдох яам, албан тушаалтнууд ямар арга хэмжээ авах нь илүү хүлээлттэй байгаа юм.

29 дүгээр сургуулийн талаар бэлтгэсэн "ЧИМЭЭГҮЙ ХАШГИРААН" нэвтрүүлгийг бүрэн эхээр нь хүргэе.