Хан-Уул дүүргийн хоёрдугаар хорооны нутаг дэвсгэрт 2024 оны зургаадугаар сарын 20-21-ний шилжих шөнө Ш-ийн амь насыг хохироосон гэх хэрэг одоогоор шүүхийн шатанд хянан хэлэлцэгдэж байгаа. Уг хэрэгтэй холбоотой баримт гэх “ярианы бичлэг“ 2026 оны нэгдүгээр сарын 15-ны өдөр цахим орчинд нийтлэгдсэн.

Энэ талаар ЦЕГ-аас мэдээлэл гаргасан байна. Хэрэгт уг ярианы бичлэг нь нотлох баримтаар авагдаагүй, худал мэдээлэл аж. Тиймээс бичлэгийг ямар зорилгоор олон нийтэд түгээснийг тодруулахаар шалгаж байгааг мэдээллээ.