Tалбайн теннисний энэ оны сүүлийн “Их дуулга” болох Америкийн нээлттэй тэмцээн өнгөрсөн шөнө Нью-Йорк хотод өндөрлөлөө. Тус тэмцээний эрэгтэйчүүдийн ганцаарчилсан төрлийн финалд АНУ-ын Бен Шелтон болон Германы Александр Зверев нар шалгараад байсан юм. 3 цаг 33 минут үргэлжилсэн тоглолтод Зверев 6:3, 7:6, 5:7, 6:2-оор өрсөлдөгчөө хожлоо.
Энэ жилийн Америкийн нээлттэй тэмцээний шагналын нийт сан 108 сая ам.долларт хүрсэн. Эрэгтэйчүүдийн ганцаарчилсан төрөлд түрүүлсэн Зверев 5,5 сая ам.долларын мөнгөн шагнал хүртсэн нь тус тэмцээний түүхэнд байгаагүй өндөр шагнал боллоо. Энэ жилийн дэд аварга 23 настай Шелтон 2,8 сая ам.долларын мөнгөн шагнал хүртэж, чансааны 2000 оноог авчээ.
Александр Зверев энэ жилийн Францын нээлттэй тэмцээн болон Америкийн нээлттэй тэмцээнд түрүүллээ. Тэрээр "Токио-2020" зуны олимпын наадамд түрүүлж байв.
