Дэлхийн хэмжээний гоо бүсгүйн тэмцээнээс эрэмбээрээ тавдугаарт бичигддэг "Face of beauty international" тав дахь удаагийн тэмцээн манай улсад зохиогдож байна. Тус тэмцээнд 60 орны мисс өрсөлдөх бөгөөд Монгол Улсаа төлөөлөн Э.Урангоо оролцож байгаа билээ.

Уг тэмцээний шалгаруулалт өнгөрсөн есдүгээр сарын 30-ны өдөр эхэлсэн юм. Энэ өдрүүдэд гоо бүсгүйчүүд үндэсний хувцсаа сурталчлан эх орноо танилцуулахаас гадна бикинитэй алхаж, авъяасаараа өрсөлдөнө.

-Монгол Улсаа төлөөлөн 60 орны мисстэй өрсөлдөж буй Э.Урангоог танилцуулъя-

-Энхтайваны Урангоо нь монголжуу төрх, ялдам инээмсэглэл, гуалиг бие, өндөр нуруу гээд гоо бүсгүйн бүхий л шинжийг агуулсан нэгэн.

-Тэрээр Улаанбаатар хотод төрж, өссөн

-Нэг эгчтэй, ам бүл дөрвүүлээ. Айлын бага охин. Урлагийн гэр бүлд өссөн гэдэг.

-2005 онд цэвэр цагаан хоолтон болсон. Учир нь, тэрээр багаасаа амьтанд хайртай төдийгүй олон төрлийн амьтан тэжээдэг хүүхэд байсан нь ийнхүү цагаан хоолтон болоход нөлөөлжээ.

-"Сити" дээд сургуулийг маркетинг, менежментийн чиглэлээр төгссөн.

-Одоо СУИС-ийн дуулаачийн ангид суралцдаг.

-Түүнийг "Universe best songs" наадамд оролцож байснаар нь олон нийт илүүтэй танина.

-"Мартагдашгүй намар", "The call" аймшгийн уран сайхны кино, "Нарны жим" олон ангит кино, "Рехит" кинонд дүрээ мөнхөлсөн.

-Тэрээр Монголын хөдөө нутгаараа  аялах дуртай гэнэ.

-Спортод сонирхолтой /шатрын улсын аварга хүрэл медальтай/

Дашрамд дурдахад, "Face of beauty international" тэмцээн нь Монгол улсад тоо толгой нь 22-хон болтлоо хорогдож, устаж үгүй болох аюул нүүрлээд буй мазаалай баавгайг хамгаалах хөдөлгөөнийг дэлхийн сонорт хүргэхэд дуу хоолойгоо нэгтгэх тэргүүн зорилготой юм.

Монголын миссийг энэ линкээр нэвтрэн орж дэмжээрэй.

Гэрэл зургийг Бозад