Монгол Улсын Ерөнхийлөгч У.Хүрэлсүх хүүхдийн байгууллага үүсэж, хөгжсөний 100 жилийн ойг тохиолдуулан төрийн дээд цол, одон, медаль гардууллаа.

Ардын багш цолоор Монголын хүүхэд, залуучуудын эвлэлийн төв хорооны нарийн бичгийн дарга асан, гавьяат багш Ч.Цэрэндуламыг шагнав.

Гавьяат багш цолоор Монголын пионерын байгууллагын төв зөвлөлийн дарга асан Д.Сүрэнжав, Баянзүрх цогцолбор сургуулийн захирал асан, хүүхдийн байгууллагын ахмад ажижлтан С.Цог, Англи хэлний багш нарын холбооны тэргүүн, доктор, дэд профессор Н.Мийраа, Сэтгэл зүйн сургалт, судалгааны төв ТББ-ын захирал, багш Д.Оюунчимэг, "Бяцхан цох" сэтгүүлийн эрхлэгч Б.Тогтохжаргал нарыг шагнасан юм.

Гавьяат жүжигчин цолоор хүүхдийн дуучин, чөлөөт уран бүтээлч Е.Наранцэцэгийг шагналаа.

Хүний гавьяат эмч цолоор ЭХЭМҮТ-ийн Хүүхдийн эрчимт эмчилгээний тасгийн эрхлэгч Р.Батсолонгыг шагнав.