Гэнэт буун дуу гарав. Гурван өөр мэдүүлэг... Галт зэвсгийн шинжээч Болорын ур чадвар ээдрээт энэ хэргийн учрыг тайлах аж. Сүүлийн үед гэмт хэрэг, триллер төрлийн кино олноор мэндэлж байгаагийн дотор “Ганц үнэн” уран сайхны кино шүүх шинжээчийн ажил мэргэжлийн онцлог, ур чадварыг тодруулан харуулж буйгаараа онцлогтой гэнэ.
2004 онд Монгол Улсад болсон бодит гэмт хэргээс сэдэвлэсэн энэхүү бүтээлийн зохиолыг МУСТА, найруулагч С.Баттулга, С.Сумъяа нар бичиж, ерөнхий найруулагчаар С.Баттулга ажиллажээ. Гол дүрүүдэд МУСТА С.Болормаа, Т.Сэргэлэн, залуу жүжигчин Н.Нархажид нар тоглосон байна.
Галт зэвсгийн шинжээчийн дүгнэлт гарцаагүй үнэн байх ёстой. Шинжлэх ухаан, мэдрэмж, туршлага, ажиглалт, хууль дүрмийн хүрээнд нягтлан гаргасан энэ дүгнэлт олон хүний амьдрал, хувь тавиланг шийддэг. Шинжээч хэрхэн ажилладгийг Хүлэгү, Тулгатан, Номадиа пикчерс, “Шүүх шинжилгээний ерөнхий газар”-ын хамтын бүтээл “Ганц үнэн” уран сайхны киноноос үзээрэй. Энэхүү бүтээл 4-р сарын 4 буюу өнөөдрөөс эхлэн Univision, LookTV, DDish-ийн видео санд байршлаа
