Монгол Улсын гавьяат тамирчин Э.Цэндбаатар өнөөдөр мэргэжлийн боксын 11 дэх тулаанаа хийлээ. Тэрбээр Пуэрто Рикогийн боксчин Фрэнси Фортунатог ялж, тивийн аваргын бүстэй боллоо. Түүний өрсөлдөгч Фрэнси Фортунато 27 настай бөгөөд 16 ялалт, нэг ялагдалтай тамирчин байв.
Э.Цэндбаатарын хувьд өмнөх 10 тулаандаа бүгдэд нь ялсан бөгөөд хамгийн сүүлд өнгөрсөн тавдугаар сард Пуэрто Рикогийн Алберто Меркадог техникийн нокаутаар буулгаж авсан байдаг.
Сонирхуулахад өнөөдөр түүний 28 насны төрсөн өдөр аж.
