Өнөөдөр буюу наймдугаар сарын 26-ны өдрийн байдлаар Хэрлэн, Улз, Хурх, Халх, Онги, Буянт, Хархираа зэрэг голууд үерийн түвшинг 5-25 см, даван үерлэжээ. Мөн Туул, Орхон, Балж, Онон, Хэрлэн зэрэг голууд үерийн аюултай түвшинг 10-70 см даван хүчтэй үерлэсэн хэвээр байна. Иймд дээрх голуудын сав дагуу суурьшиж, нутаглаж буй малчид, аялж амарч, зугаалж буй ард иргэдийг үер усны аюулаас болгоомжтой байхыг онцгойлон анхаарууллаа.
