Нийслэлийн есөн дүүргийн хэмжээнд 976 хүүхдийн тоглоомын талбай байна гэх тооцоолол бий. Үүнээс хүүхэд тоглох тоног төхөөрөмжтэй талбай 786, чийрэгжүүлэлтийн тоног төхөөрөмжтэй талбай 88, сагсны талбай 75, хөл бөмбөгийн талбай зургаа, бусад /дан саравч, дан гулсуур / 17 тоглоомын талбай байна.
Нийт тоглоомын талбайн 803 нь стандартын шаардлага хангаагүй, хүний амь нас, эрүүл мэнд, эд хөрөнгөд ноцтой эрсдэл, хохирол учруулж болзошгүй нөхцөл байдалтай. Түүнчлэн хүүхдийн тоглоомын талбайг насны ангиллаар төрөлжүүлэн тохижуулаагүй 576, инженерийн шугам сүлжээ, үзлэг хяналт тохируулгын худгаас таван метрийн зайд тохижуулах шаардлага хангаагүй 333, тоглоомын талбайгаас хязгаарлагдах бүсийн хилээс тээврийн хэрэгслийн зам хүртэлх зургаан метрээс их зайд тохижуулаагүй 492 байна.
Мөн ил гарсан цахилгааны утас зэрэг хүүхдэд аюултай байдал үүсгэсэн 100, эвдэрсэн гэсэн анхааруулга тэмдэг тавиагүй 896, тоног төхөөрөмж найдвартай бэхлэгдээгүй 372 хүүхдийн тоглоомын талбай бүртгэгджээ.
ГССҮТ-ийн мэдээллээс үзэхэд тоглоомын талбайд тоглож байгаад бэртсэн гэх шалтгаанаар эмнэлгийн тусламж үйлчилгээ авсан хүүхдийн тоо:
Үүнээс гудамж талбайд байрлах хүүхдийн тоглоомоос хамаарч бэртэж, гэмтсэн хүүхдийн тоо 2019 онд 329, 2020 онд 340, 2021 онд 93, 2022 оны эхний зургаан сарын байдлаар 300 бүртгэгдэж байжээ.
Нийт тоглоомын талбайн 569 буюу 58.2 хувь нь орон сууцны хороолол, 142 буюу 14.5 хувь нь гэр хороолол, 262 буюу 26,8 хувь нь гэр хороолол, орон сууц хосолсон байршилд байна. Үүнээс харахад гэр хороололд оршин сууж байгаа хүүхдэд ноогдох тоглоомын талбайн хүртээмж хангалтгүй байгаа аж.
