Газын зурваст цэргийн ажиллагаа явуулж буй Израилийн зэвсэгт хүчин Магази дүрвэгсдийн хуаранд цохилт өгсний улмаас 11 хүн, тэр дундаа хүүхдүүд амь үрэгджээ. Газын иргэний хамгаалалтын газрын мэдээлснээр Израилийн нисэх онгоц Рафах хотын дүрвэгсдийн хуаранд агаараас довтолсон аж. Өөр нэгэн довтолгооны улмаас Палестинд хүргэх тусламжийг хамгаалах үүрэг бүхий хууль сахиулах долоон ажилтан, хоёр энгийн иргэн амь эрсэдсэн болохыг Газын Дотоод хэргийн яам мэдэгдлээ. НҮБ-ын Хүний эрхийн байгууллага Израилийн зэвсэгт хүчнийг эзлэгдсэн Баруун эрэгт палестинчуудын эсрэг халдлага хийхээ нэн даруй зогсоохыг шаардлаа.
2023 оны аравдугаар сарын 7-ноос хойш Израилийн Газын зурваст хийсэн дайралтаар 33,843 палестин хүн амиа алдаж, 76,575 хүн шархадсан байна.
