Хөдөлмөр, нийгмийн хамгааллын яам болон Монголын охидын зөвлөл хамтран Олон Улсын эмэгтэйчүүдийн эрхийг хамгаалах өдрийг угтаж охидод хэрэгтэй мэдээлэл, зөвлөгөө бүхий "ОХИДЫН ЧИМЭЭ" арга хэмжээ буюу охидын болзоог 2024 оны гуравдугаар сарын 03-ны өдөр амжилттай зохион байгууллаа.

Тус арга хэмжээнд ЕБС-ийн 800 гаруй охид өөрсдийнхөө эрхийн төлөө дуу хоолойгоо нийгэмд хүргэж, охид хэр хүчтэй гэдгийг харуулж чадсанаараа онцлогтой. Тус өдөрлөг 3 хэсгээс бүрдсэн. Эхнйи хэсэгт охид мэргэжлийн сэтгэлзүйч, эмч, хуульчаас хувь зөвлөгөө авч, ярилцаж өөрийгөө олох аяллыг эхлүүлсэн бол удаах хэсэгт хүндэт зочдын хамтаар үе тэнгийн дээрэлхэлт, гадаадад хэрхэн сургуульд элсэх, охидын сэтгэл зүй, бэлгийн боловсрол зэрэг асуудлаар чөлөөт ярилцлаа өрнүүллээ. Мөн охидын дунд QR-р нууц асуулт явуулж салбарын мэргэжилтнүүдийн дунд асуулт хариултын хэлэлцүүлэг явуулжээ.