АНУ-ын Гадаад бодлогыг тодорхойлж, Нобелийн энх тайвны шагнал хүртсэн ч дайны гэмт хэргээр чамгүй зэмлэл хүртэж байсан Төрийн нарийн бичгийн дарга асан Хенри Киссинжер Коннектикут дахь гэртээ таалал төгсжээ. Түүний Kissinger Associates фирм лхагва гарагийн орой таалал төгссөн тухай нь мэдээлсэн ч нас барсан шалтгааныг хэлээгүй байна.

АНУ-ын Ерөнхийлөгчөөр 1968 онд Ричард Никсон сонгогдох хүртэл 15 настайдаа Германаас дүрвэж Нью-Йоркод ирж байсан Киссинжер Харвардын их сургуулийн эрдэмтэн байжээ. Никсоныг Ерөнхийлөгчөөр сонгогдсоны дараа тэрээр АНУ-ын Төрийн нарийн бичгийн даргын албан тушаалыг хүлээж авсан байна. Киссинжер Никсоноос хойш Жо Байден хүртэл АНУ-ын 10 гаруй Ерөнхийлөгчид гадаад бодлогын зөвлөгөө өгсөөр иржээ.

Хенри Киссинжерийн Вьетнамын дайныг дуусгахад оруулсан хувь нэмрийг нь үнэлж Нобелийн энх тайвны шагнал олгосон байна. Мөн тэрээр АНУ-ыг ЗХУ, БНХАУ-тай холбоо харилцаагаа сайжруулахад ихээхэн хувь нэмэр оруулжээ. Гэвч Чили улс дахь цус асгаруулсан төрийн эргэлт, Ирак дахь Америкийн дайралтыг дэмжсэн нь дайны гэмт хэрэгтэн гэх зэмлэл сонсоход хүргэжээ.

Киссинжерийг таалал төгссөн явдалд АНУ-ын нэр нөлөө бүхий албан тушаалтнууд, олны танил эрхмүүд эмгэнэл илэрхийлсээр байна.