Улаанбаатар хотын түгжрэлийг бууруулах үндэсний хорооны дарга, Монгол Улсын сайд Ж.Сүхбаатар, нийслэлийн Засаг дарга бөгөөд Улаанбаатар хотын захирагч Д.Сумъяабазар нар ажлаа хүлээлгэж өгч байгаатай холбогдуулан дараагийн томилгоог хийхээр МАН-ын Удирдах зөвлөл хуралдлаа.
Тус хурлаас УИХ-ын гишүүн, Хууль зүй, дотоод хэргийн сайд Х.Нямбаатарыг нийслэлийн Засаг дарга бөгөөд Улаанбаатар хотын захирагчаар, УИХ-ын гишүүн Б.Дэлгэрсайханыг Улаанбаатар хотын түгжрэлийг бууруулах үндэсний хорооны дарга, Монгол Улсын сайдаар, УИХ-ын Хууль зүйн байнгын хорооны дарга Б.Энхбаярыг Хууль зүй, дотоод хэргийн сайдаар томилох Ерөнхий сайдын саналыг дэмжжээ.
