Боловсрол, шинжлэх ухааны яамнаас “Байгууллагын болон багшийн үнэлгээ”-ний талаар мэдээлэл өгч байна. 2022 оноос эхлэн багш нарын цалинг гүйцэтгэлийн үнэлгээнд тулгуурлан өгөх болсон юм.

Боловсрол, шинжлэх ухааны Төрийн нарийн бичгийн дарга Л.Цэдэвсүрэн “2022 оноос эхлэн боловсролын салбарт үр дүнд суурилсан гүйцэтгэлийн үнэлгээг нэвтрүүлж эхэлсэн. Гүйцэтгэлийн үнэлгээг нэвтрүүлснээр байгууллагын болон багшийн ажилд үр дүн ахиц гарч байгаа гэсэн судалгааны дүн гарсан. Гүйцэтгэлийн хоёр дахь удаагаа хийж дууслаа. Одоо танилцуулах судалгаанаас эхний судалгаанаас хойш ямар үр дүн ахиц гарсныг та бүхэн харах байх” хэмээлээ.