Монголын шатрын холбооны ээлжит их хурал арваннэгдүгээр сарын 4, 5-нд болно. Уг их хурлаар Монголын шатрын холбооны шинэ ерөнхийлөгчийг тодруулах бөгөөд нэр дэвшигчдийг есдүгээр сарын 30-ныг дуустал бүртгэнэ. Ерөнхийлөгчид нэрээ дэвшүүлэхээр анхны хүн өнөөдөр бүртгүүлсэн нь С.Наранбат юм.
Тэрээр "Нарантуул"-ын хэмээн овоглогддог Ш.Сайхансамбуугийн хүү юм.
С.Наранбат нь 1987 онд Улаан баатар хотод төрсөн, 1-6 дугаар ангидаа Нийслэлийн 1-р сургуульд, 7-10 дугаар ангидаа Герман улсын Берлин хотод боловсрол эзэмшсэн. Үндэсний тагнуулын академийг 2006-2011 онд тус, тус төгссөн бөгөөд эрх зүйч мэргэжилтэй. Герман, англи хэлтэй. Гэр бүл дөрвөн хүүхэдтэй.
Төрийн албанд 17 жил ажилласан бөгөөд 2023 оны нэгдүгээр сараас Нарантуул трейд ХХК-ны Удирдах зөвлөлийн гишүүн, "Наран титан" ХХК-ы захирлаар ажиллаж байна.
Нэр дэвшигчийн бие төлөөлөгчөөр "Цэцэн нүүдэл" шатрын клубын тэргүүн, Олон улсын шатрын холбооны дасгалжуулагч Х.Эрдэнэдорж ажиллах юм.
