Өглөөг хүмүүс “Надад хангалттай цаг бий, өнөөдөр бүгдийг амжуулна” гээд олон зүйл бичиж, төлөвлөж, бодож эхлүүлдэг ч өдрийн төгсгөлд юу ч хийж амжаагүй байх үе олон. Харин анхнаасаа миний цаг хугацаа хязгаартай гэдэг бодлыг өөрт төрүүлснээр бид бодож байгаагаасаа ч илүү их ажлыг амжуулж чаддаг байна.
Помодоро нь ухаалаг, бүтээмжтэй ажиллах хамгийн үр дүнтэй аргуудын нэг бөгөөд 25 минут ажиллаад таван минут амрах тухай ойлголт юм. Ийнхүү 25 минут ажиллаж буй үе тус бүрийг помодоро гэж нэрлэх бөгөөд нийт дөрвөн помодоро үеийн дараагаар 15-20 минутын урт амралт авна. Энэхүү арга нь өглөө эрт, анхаарал сайн төвлөрөх үед илүү үр дүнтэй бөгөөд оногдсон 25 минутын богино хугацаанд нэг сэдэв дээр гүн төвлөрөх боломжтой юм. Ингэснээр тархи амарч, нэг дор хэт их ачаалал авахгүй байх нөхцөлийг бүрдүүлдэг. Помодоро арга нь хэт их ачаалалтай, олон ажил зэрэг амжуулах шаардлагатай эсвэл анхаарал их сарнидаг хүмүүст маш сайн тохирох ба 25 минут танд хэт урт эсвэл хэт богино санагдвал өөрт тохируулан хугацааны хувьд багахан өөрчлөлт оруулж болно.
Помодоро аргыг хэвшүүлэхийн тулд:
Олон цагийн турш ямар ч завсарлагагүйгээр сууж бие болоод тархиа ядраахын оронд хийх ёстой ажлуудаа олон жижиг хэсэгт хуваан, дэс дараатайгаар хийх нь илүү хялбар бөгөөд үр дүнтэй байх болно.
