Монгол түмний сар шинийн баяр болоход цөөхөн хоног үлдлээ. Баяр дөхөж байгаатай холбогдуулан иргэд баярын бэлтгэлээ базаахаар зах, худалдааны төвийг зорьдог. Тэгвэл бид энэ жил цагаан идээний үнэ ханш ямар байгаа болон зарим бүтээгдэхүүний үнийг сонирхохоор “Алтжин бөмбөгөр” худалдааны төвийг зорив.
Хамгийн түрүүнд баярын гол идээ болох хэвийн боовны үнэ ямар байгааг сонирхлоо. Хэвийн боов найрлага, хэв хийцээс хамаарч ширхэг нь 4000-5500 төгрөгийн хооронд худалдаалагдаж байв. Харин еэвэн гурван ширхгээрээ 25-30 мянган төгрөгийн хооронд зарагдаж байв.
Тухайлбал:
- Гандангийн хэвийн боов 4800 төгрөг
- Тариан түрүү 4000 төгрөг
- Өгөөмж-Ар хад 4200 төгрөг
- Өег 5200 төгрөг
- Очирваань идээ 4500 төгрөг
- Товгор хэв үйлдвэрийн хэвийн боов 5500 төгрөг
- Гүрмэл 4000-5300 төгрөгийн хооронд тус тус худалдаалагдаж байна
Ааруулаар тавгийн идээ засахад 200-250 мянган төгрөг болно
Бөмбөгөр худалдааны төвд ааруул 20-35 мянган төгрөгийн хооронд худалдаалагдаж байна. Харин шар тос болон өрөм 25-32 мянган төгрөгийн үнэтэй байв. Тухайлбал хурууд, хорхой, сүүн ааруул 20-28 мянган төгрөг, харин ямааны сүүний ааруул хамгийн өндөр буюу 48000 төгрөгийн үнэтэй байлаа.
ХУД-ийн 10 дугаар хорооны иргэн Н.Жанцал “Цагаан сарын баяраар ул боовны оронд ааруулаар тавгийн идээ засах гэсэн юм. Гэтэл зөвхөн цагаан идээгээр тавгаа засахад хамгийн багадаа 200-250 мянган төгрөг болохоор байна. Баяр дөхөж байгаа учир цагаан идээний үнэ хөөрөгдсөн байх. Ууг нь бол Монголчууд бид цагаан идээгээ дотооддоо үйлдвэрлэдэг. Гэтэл жил болгоны цагаан сараар цагаан идээний үнэ тэнгэрт хаддаг. Цагаан сарын баяраар үндэсний үйлдвэрлэлээ дэмжихийг боддог ч үнэ нь маш өндөр байна" гэсэн юм.
Ууцны үнэ 250-450 мянган төгрөг
Ийнхүү бид цааш цааш явж ууц, өвчүүний үнийг тодруулав. Хонины ууцны үнэ дунджаар 250-450 мянган төгрөгийн хооронд борлуулж байна. Харин үхрийн өвчүү 12 000 мянган төгрөг байв. Тэтгэврийн насны ахмадуудын хувьд чанах махны үнэ өндөр байгаа талаар БГД-ийн иргэн Н.Дуламханд" Тэтгэврийн насны ахмадууд нэг сарын тэтгэврээрээ бүтэн ууц л авч хүрэхээр байна. Дундаж хонины ууц 260 мянган төгрөг байна. Яагаад ийм үнэтэй байгааг асуухаар баяр дөхсөн, гадуур туранхай хонь л зарагдаж байгаа гэдэг. Хүүхдүүдээсээ хэдэн төгрөг аваад сар шинийн бэлтгэлээ хийвэл нэгээс хоёр сая төгрөгөөр идээ ундаагаа базаахаар байна" гэв.
Сар шинийн баярын ширээний дундаж үнэ:
