Гавьяат жүжигчин Д.Ганцэцэг Ц.Балдоржийн зохиол “Шөнө буусан аадар” драмын жүжгээр үзэгчидтэйгээ дахин уулзахаар болжээ. Энэхүү жүжиг 2005 онд Төрийн соёрхолт найруулагч Н.Наранбаатарын найруулгаар УДЭТ-ын тайзнаа “Шөнө амталсан нулимс” нэртэйгээр тавигдаж байхад тэрээр бага охин Алимаад тоглож байжээ.

Харин 18 жилийн дараа зохиолчийн 70 насны ойд зориулж “Мөрөөдлийн театр”-ын уран бүтээлчид “Шөнө буусан аадар” хэмээх эх нэрээр дахин тайзнаа амилуулахад гэрийн эзэгтэй УИХ-ын гишүүн Тэрбишийн гэргий болон тоглож байна. Тодруулбал, 2005 онд тоглож байсан дүрийнхээ ээж болж эргэн ирж байна. “Шөнө буусан аадар” жүжгийн найруулагчаар УДЭТ-ын найруулагч Э.Ёндоншарав ажиллаж байна.

Зохиолч: Соёлын гавьяат зүтгэлтэн Ц.Балдорж Ерөнхий продюсер:Д.Энх-Амгалан Ерөнхий найруулагч: Э.Ёндоншарав Туслах найруулагч: Э.Баярцэнгэл Гэрэл, дууны найруулагч: Я.Батсайхан Хөгжмийн зохиолч: Ж.Ган-Эрдэнэ Тайзны зураач: М.Баярмагнай Дүрүүдэд: Халзан-Ардын жүжигчин Г.Мягмарнаран Энхээ /Тэрбишийн эхнэр/-Гавьяат жүжигчин Д.Ганцэцэг Тэрбиш /Гэрийн эзэн, Төрийн зүтгэлтэн/-Г.Алтаншагай Төмөр /Бизнесмен, Тэрбишийн гэр бүлийн найз/-Г.Эрхэмбаяр Чингүүн /Тэрбишийн том хүү/-Л.Сөрөлт Оюун /Гэрийн үйлчлэгч бүсгүй/-Ч.Баярмаа, Ц.Алдармаа Од /Тэрбишийн бага хүү/- Б.Хэрлэн, Б.Сосорбурам Аялуун /Тэрбишийн том охин/-Х.Намуун, Б.Гэрэлтуяа