Манай Улсын гадаад валютын албан нөөц 2.7 тэрбум ам.доллар байна. Энэ нь өнгөрсөн сараас 3.7 хувиар нэмэгдсэн үзүүлэлт бөгөөд ийнхүү сүүлийн есөн сарын хугацаанд анх удаа нэмэгдсэн үзүүлэлттэй гарлаа.

Манай улсын гадаад валютын нөөц импортын 3.5 сарын хэрэглээг хангана гэдгийг Монголбанк мэдэгдсэн юм. Олон улсын жишгээр валютын нөөц импортын гурван сарын хэрэглээг хангаж байвал ямар нэг эрсдэл үүсэхгүй гэж үздэг байна.