М.Анхцэцэг: Азийн аварга болно гэдэгтээ итгэлтэй байсан

“Рио-2016” олимпийн эрх олгох хүндийг өргөлтийн Азийн АШТ-ий эмэгтэйчүүдийн 75 кг-д өрсөлдсөн “Алдар” спорт хороо, "Ёкохома" компанийн тамирчин, ОУХМ Мөнхжанцангийн Анхцэцэг аваргалж, Узбекистаны тэнгэрт төрийн дууллаа эгшиглүүллээ. Огцом шахалтаар 112, түлхэлттэй өргөлтөөр 132, нийлбэрээр 244 кг өргөн, түрүүлсэн тэрээр ийнхүү тус тэмцээнд аваргалсан Монголын анхны эмэгтэй туйванч болов.

Өдгөө 18-хан настай тэрээр ДАШТ-д 2014 онд анх удаа оролцон огцомоор 107, түлхэлттэй өргөлтөөр 124 кг өргөж, X байрт шалгарахдаа Монголын хүндийг өргөлтийн амьд домог, гавьяат тамирчин Н.Баярмаагийн эзэмшиж байсан огцом өргөлтийн амжилтыг эвдэн, улсын рекордыг шинэчилж байлаа. Мөн тус тэмцээний дараа гарсан чансаагаар дэлхийн чансааг залуучуудад тэргүүлж, өсвөр үед аман хүзүүдэж, насанд хүрэгчдэд VI байрт бичигдсэн юм.

Харин өнгөрсөн жилийн ДАШТ-д хүч үзэхдээ огцомоор 110, түлхэлттэй өргөлтөөр 133 кг шахаж, VIII байрт шалгарсан билээ. Хэрвээ огцом өргөлтийн хоёр юм уу гурав дахь оролдлогоороо 116 кг өргөсөн бол баараггүй мөнгөн медаль авах байсан юм. Харамсалтай нь, тэрээр өргөж чадаагүй ч түүхэн амжилтын эзэн болсон. Өмнө нь манай тамирчдаас хэн ч ДАШТ-д арваас дотогш байрт шалгарч, медалийн төлөө өрсөлдөж байгаагүй билээ. Тэрээр өнгөрсөн жилийн УАШТ-д түрүүлэхдээ огцомоор 116 кг өргөсөн. Мөн бэлтгэлийн дээр огцомоор 120, түлхэлттэй өргөлтөөр 148 кг өргөж байлаа. Түүнийгээ давтсан бол тасархай түрүүлж, УАШТ-ий амжилтаа давтсан бол мөнгөн медаль авах байсан юм.

Гаргасан амжилтаараа дэлхийн чансааг тэргүүлж буй шилдэг найман тамирчин урилгаар оролцдог Дэлхийн цомд өнгөрсөн жил оролцохдоо огцомоор 112 кг өргөж, IV байрт шалгарсан. Шилдэг наймын өрсөлдөөнд анх удаа хүч сорьсон нь тэр.

Хүндийг өргөлтийн спортоор найм дахь жилдээ хичээллэж буй тэрээр өсвөр үе, залуучууд, насанд хүрэгчдийн ангиллын Монгол Улсын рекордыг 63 удаа шинэчлээд буй. М.Анхцэцэг 2009 онд спортын дэд мастер, дараа жил нь спортын мастер, 13-хан настайдаа буюу 2011 онд ОУХМ цолны болзол хангасан юм. Өнгөрсөн жилийн ДАШТ-ий дараа түүний амжилтын нууцын талаар Ц.Хосбаяр дасгалжуулагчаас асуухад “Анхааг хоёр үгээр “Бурхны бүтээл” гэж хэлнэ. Үнэхээр зөв бодолтой хүүхэд. Бэлтгэлийг чин сэтгэлээсээ хийдэг. 10 хий гэвэл хамгийн багадаа 11 удаа гүйцэтгэдэг” гэсэн юм. Өнөө цагийн Монголын хүндийг өргөлтийн спортын шилдэг тамирчдын нэг М.Анхцэцэгтэй цахим хаягаар нь холбогдон цөөн хором ярилцсанаа уншигчдадаа сонирхуулъя.

-Юуны өмнө Азийн АШТ-д аваргалсан Монголын анхны эмэгтэй туйванч болсонд баяр хүргэе. Олимпийн эрх олгох тэмцээн тул улс бүр шилдгүүдээ илгээсэн нь мэдээж. Түрүүлнэ гэдэгтээ хэр их итгэлтэй байсан бэ?

-Баярлалаа. Бүгдээрээ олимпийн эрх авах зорилготой оролцож байгаа болохоор өрсөлдөөн үнэхээр ширүүн өрнөлөө. Сэтгэлзүй тогтвортой, бэлтгэл сайтай байсан болохоор түрүүлнэ гэдэгтээ итгэлтэй байсан. Энэ дашрамд намайг үргэлж дэмждэг ЭМСЯ, МҮОХ, МХӨХ-ны удирдлагууд, “Алдар” спорт хороо, “Ёкохома”, “Сувинер хаус”, “Үнэн анд”, “Есүүдийн Батууд”, “Монгол жонш”, “Солонго орд”, “Хүннү Эйр”, үндэсний шигшээ багийн хамт олон болон хүндийг өргөлтийн спортыг сонирхдог, дэмждэг бүх хүнд баярлаж явдгаа илэрхийлье.

-Төрийн дуулал эгшиглэж, шагналын тавцанд зогсож байхад юу бодогдож байв?

-Их сайхан юм билээ. Шагналыг маань манай холбооны ерөнхий нарийн бичгийн дараа Ч.Даваадорж ах гардуулж өгсөнд бүр их бэлэгшээж, баярлаж байна.

-Тэмцээний өмнө багш нар нь юу гэж  захиж, зөвлөсөн бэ?

Ц.Хосбаяр, Чинзориг, Чулуунпүрэв, Цэрэнням багш нарынхаа заавар, зөвлөгөөг дагаж, уйгагүй бэлтгэл хийснийхээ үр шимээр энэ амжилтад хүрлээ.

-75 кг-д нутаг нэгт Б.Энхтамиртай хамт өрсөлдсөн болохоор бие биедээ нөмөр нөөлөгтэй, ханьтай байсан болов уу?

-Нэг нэгнийхээ оролтыг харж чадахгүй, алдчих вий дээ гэж санаа зовоод нэлээн хэцүү байсан.

-Энэ тэмцээн багаараа эмэгтэйчүүд VI байрт шалгарвал олимпийн нэг эрх олгоно. Та бүхэнд олимпийн эрх авах боломж байгаа нь мэдээж.

-Тэгэлгүй яах вэ. Өнөөдөр манай нэг тамирчин өрсөлдөж байна. Түүний тэмцээн өндөрлөсний дараа багийн нэгдсэн дүн гарна. Олимпийн эрх авчих байх гэж их найдаж байна.

-Хэзээ эх орондоо ирэх вэ?

-Өнөө орой 23.30 минутад эх орондоо очно.

-Ярилцсанд баярлалаа. Сайн яваад ирээрэй.

-Баярлалаа.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (14)

  1. Монголын минь нэр нүүр болсон хүчирхэг хөөрхөн царайлаг Анхаа чамайг үхэн үхтэлээ шүтэж амьдаръя. Олимпод одтой байж дээд шагналыг нь эзэгнэж шүүрдэж аваарай.

    0 0 Хариу бичих
  2. Uzseglentei, saihan ohin bna. Amjilt huse.

    0 0 Хариу бичих
  3. Uzseglentei, saihan ohin bna. Amjilt huse.

    0 0 Хариу бичих
  4. Сайн тамирчин сайхан охин байна,Амжилт амжилт хүсье,Төрөөс ийм залуу чадварлаг тамирчидаа материалаг болон оюун санааны дэмжлэг үзүүлж байгаасай, төрийн дээд албан тушаалтангууд гадагшаа явахдаа татвар төлөгчдийн мөнгөөр тансаглаж юу ч бүтээсэн юмгүй ирдэг.Төрийн нэр хүндийг хэдэн тамирчингууд дэлхийд таниулж байна шүү дээ,тамирчидаа дэмжье.Миний дүү бэлтгэлээ сайн хийгээрэй,бэртэл гэмэлээс холуур байгаарай.Бурхан чамайг ерөөг.

    0 0 Хариу бичих
  5. mundag gaihaltai

    0 0 Хариу бичих
  6. Би сайн мэддэггүй байсан. Манай ээж нэг царайлаг хүндийг өргөгч байна. Бас сайн тамирчин байна. Медаль авч байна гээд гараад байх юм гээд 2-3 жилийн өмнөөс яриад байдаг байсан. Зураг нь дандаа хүч гаргаж байх үед интернет дээр байдаг болохоор би ийм хөөрхөн гэж мэдээгүй. ;) Нээрээ их хөөрхөн, царайлаг охин байна. Бас сайн тамирчин, даруу төлөв зантай, ер нь маш их таалагдлаа. Олимпод одтой байж сайхан амжилт гаргаарай. Гэмтэл бэртлээс хол байж, амжилтаа ахиулаарай. Тохойнд боолт хийвэл сайн биш үү? Оросууд харин Анхцэцгийг Монголын казак гээд ойлгочихсон юм уудаа. Тэр видеоны нэр дээр. Красивая монгольская казашка гэнэ үү???

    4 0 Хариу бичих
  7. uneheer mundag rio goos altan medall avaarai

    0 0 Хариу бичих
  8. охид 4 -т жагсаж 1 эрх /Анхаа явах нь тодорхой/

    0 0 Хариу бичих
    • Багаараа 4т орчоод нэг л эрх авна гэж үү? Ямар сонин дүрэм бээ? Тэгвэл шууд алт, мөнгө хүрэл авсан медальтнуудад нь өгч болохгүй яасан юм бол? Ямар учиртай?

      0 0
    • Багаараа 4т орчоод нэг л эрх авна гэж үү? Ямар сонин дүрэм бээ? Тэгвэл шууд алт, мөнгө хүрэл авсан медальтнуудад нь өгч болохгүй яасан юм бол? Ямар учиртай?

      0 0
    • Багаараа 4т орчоод нэг л эрх авна гэж үү? Ямар сонин дүрэм бээ? Тэгвэл шууд алт, мөнгө хүрэл авсан медальтнуудад нь өгч болохгүй яасан юм бол? Ямар учиртай?

      0 0
    • Багаараа 4т орчоод нэг л эрх авна гэж үү? Ямар сонин дүрэм бээ? Тэгвэл шууд алт, мөнгө хүрэл авсан медальтнуудад нь өгч болохгүй яасан юм бол? Ямар учиртай?

      0 0
  9. олимдийн аварга болоорой амжилт хүсье

    1 0 Хариу бичих
  10. Үнэхээр мундаг Чамаар би бахархаж байна шүү

    0 0 Хариу бичих

ЭНЭ ТУХАЙ