Сураггүй болсон иргэнийг эрэн хайж байна

Хөвсгөл аймгийн Алаг-Эрдэнэ сумаас Төмөрбулаг сумын харьяат иргэн Э энэ сарын 18-ны өдөр гэр лүүгээ мотоциклтэй яваад сураггүй болсон дуудлага өчигдөр аймгийн Онцгой байдлын газарт иржээ. Тус аймгийн Онцгой байдлын газар, сумын Цагдаагийн хэсгийн алба хаагчид, сумын Засаг даргын Тамгын газрын ажилтнууд, ар гэрийнхэн иргэн Э-г эрэн хайх ажиллагааг гурван бүлэгт хуваагдан зохион байгуулсан боловч үр дүнд хүрээгүй байна.

Тодруулбал, нэгдүгээр бүлэг сумын төвөөс эхлэн хойд зүгт хоёрдугаар багийн Цагаан-Үзүүр гэдэг газар хүртэл 5 км-т явганаар, сумын төвөөс Эгийн голоор Өлхөний-Ам гэдэг газар хүртэл 6 км завиар урсаж, хоёрдугаар бүлэг сумын төвөөс зүүн хойд зүгт дөрөвдүгээр багийн Хавиргын даваа гэдэг газар хүртэл 2 км-т, гуравдугаар бүлэг сумын төвд 5 км-ийн тойрогт явганаар болон автомашинтай эрэн хайх ажиллагааг зохион байгуулжээ. Эрэн хайх ажиллагаа үр дүнд хүрээгүй тул 18 цаг 30 минутад түр зогсоож, өнөөдөр  9.00 цагт дахин эхлүүлжээ.


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)