Б.Бямбадорж: Хороодын иргэний танхимд вакцины цэг байршуулна

Нийслэлийн Эрүүл мэндийн газрын дарга Б.Бямбадорж Ковид19-ийн эсрэг вакцинжуулалтын талаар мэдээлэл өглөө. 

Тэрбээр "Нэмэлт тунгийн дархлаажуулалтад хамрагдах боломжоор хангахын тулд гурван төрлийн цэг ажиллуулж байна. Нийслэлийн хэмжээнд байнгын ажиллагаатай 53 суурин цэг байна. Мөн томоохон худалдааны 27 төвд түр цэгийг ажиллуулж байгаа. Мөн олон ажилтантай үйлдвэр, аж ахуйн газруудаас урьдчилан захиалга авч, дархлаажуулалт хийх явуулын баг ажиллаж байгаа. 

Цаашид бид хороо бүрд байдаг иргэдийн танхимд вакцины цэгийг нэмэгдүүлэхээр төлөвлөн, бэлтгэж байна. Тухайлбал, урсгал тооцоолох, халдвар хамгааллын дэглэмээ баримтлуулах, хүний нөөцөө бэлтгэх, сургах ажлуудаа хийж байна" гэлээ. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (0)