Төрийн албаны ерөнхий шалгалтыг арваннэгдүгээр сарын 15-21-ний өдрүүдэд орон даяар зохион байгуулж дууслаа. Шалгалтад бүртгүүлсэн 9207 иргэнээс 7458 иргэн шалгалтад орж, 2233 тэнцсэн байна. Шалгалтыг зохион байгуулах Төв комиссоос шалгалтын явцын дүнг Төрийн албаны зөвлөлийн хуралдаанд танилцуулж, шалгалтад тэнцсэн иргэдийг тухайн аймаг, нийслэлийн төрийн жинхэнэ албаны нөөцөд бүртгэх юм байна.
