З.Мэндсайхан: Монголд анх удаа цагаан будааны ургац авлаа

Хүнс, хөдөө аж ахуй хөнгөн үйлдвэрлэлийн сайд З.Мэндсайхан цаг үеийн асуудлуудаар мэдээлэл хийлээ.
Тэрээр "Газар тариалангийн ургац хураалт энэ жил сайн байлаа. Хүнсний салбарт зохион байгуулалтын арга хэмжээ авч ажиллалаа. Хаврын тариалалтад зориулсан зээлийг хугацаанд нь гаргасан. Түүнчлэн ургац хураалтад дэмжлэг үзүүлэх технологио шинэчиллээ. Мөн сортынхоо 30 хувийг шинэчилсэн. Одоогийн байдлаар ургац хураалт 97.3 хувьтай байна. Талбай дээр ургац хураалт дууссан. Ургацын гүйцэтгэлээр урьдчилсан баланс мөргөсөн. Энэ жил улсын хэмжээнд 420.2 мянган га-д үр тариа үүнээс 389.4мянган га-д улаанбуудай, 19.8 мянган га-д төмс, 9.9 мянган га-д хүнсний ногоо, 100.4 мянган га-д тосны ургамал, 100 мянган га-д тэжээлийн ургамал, 4.7 мянган га-д жимс, жимсгэнэ, нийтдээ 655 мянган га-д тариалалт хийсэн. Энэ жил тэжээлийн тарьмал түлхүү тарьсан. Дотоодын хэрэгцээг хангах хэмжээний төмсийг бүрэн хурааж авлаа. Жилд дунджаар улаанбуудайн 310 мянган тоннын хэрэгцээ байдаг. Энэ жил 547.2 мянган тонныг хураан авлаа.

Хүнсний ногооны 99.1 хувийг хураасан буюу энэ нь 110 мянган тонн бөгөөд өмнө нь дотоодын хэрэгцээний 47  хувийг хангадаг байсан бол энэ жил 60 хувийг хангах боломж бүрдэж байна гэсэн үг.  Энэ жил нэг онцлох таатай зүйл нь хувийн хэвшлийн "Жимикс" компани хоёр га газраас 10 тонн цагаан будаа хурааж авсан. Бага мэт сонсогдож байгаа ч энэ нь сайн зүйлийн эхлэл юм. "Хөсөг" цагаан будаа нэртэйгээр та бүхний гар дээр очно" гэлээ. 


Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд eagle.mn хариуцлага хүлээхгүй.

Сэтгэгдэл бичих (2)

  1. худлаа са ид худлаа зарлаад л. хэнч авахгүй талбайдаа хог болж байна гээ биз дээ. дотоодын буудай гурил авахгүй импортоор дан бүтээгдэхүүнээ хийдэг үйлдвэр байна цаана чинь. зайлаарай гадны хөл гар намчингууд.

    0 0 Хариу бичих
  2. хэдэн оны мэдээг сая уншиж байнаа? арай арай

    0 0 Хариу бичих