Нийслэлийн 12-р цэцэрлэгийн өргөтгөл ашиглалтад орлоо
Хан-Уул дүүргийн дөрөвдүгээр хороонд 12 дугаар цэцэрлэгийн 280 ортой өргөтгөлийн барилга ашиглалтад орлоо. Сургууль, цэцэрлэгийн тоог нэмэгдүүлэх ажлын хүрээнд Хан-Уул дүүргийн дөрөвдүгээр хороонд байрлах 12 дугаар цэцэрлэгийн хүчин чадлыг 280 ороор өргөтгөн шинээр барилаа.
Тус хороонд сургуулийн өмнөх боловсролын насны 1781 хүүхэд оршин суудаг бөгөөд төрийн өмчийн хоёр, хувийн өмчийн 13 цэцэрлэг үйл ажиллагаа явуулдаг. Үүнээс 1646 хүүхэд харьяа хороондоо цэцэрлэгт хамрагдаж чаддаг бол 135 хүүхэд өөр дүүрэг, хороонд хамрагддаг судалгаа бий.
Цэцэрлэгийн өргөтгөлийн барилгыг "Рендербау" ХХК гүйцэтгэсэн. Тус өргөтгөл баригдсанаар төрийн өмчийн цэцэрлэгийн хүчин чадал нэмэгдэж, харьяа хорооны хүүхдүүдээ хүлээн авах боломж нэмэгдэж байна Нийслэлийн хөрөнгө оруулалтын газраас мэдээллээ.