Засгийн газрын ээлжит хуралдаан өнөөдөр /2021.10.06/ боллоо.
Хуралдаанаар сайжруулсан шахмал түлшний асуудлаар ажлын хэсэг байгуулж, ЗГХЭГ-ын дарга Ц.Нямдорж ахлан ажиллахаар болжээ. Энэ талаар ЗГХЭГ-ын дарга Ц.Нямдорж мэдээлэл өглөө. Тэрээр “Нийслэлд түлшний асуудал үүссэн. Уг асуудлыг шийдэхийн тулд надаар ахлуулсан ажлын хэсэг байгуулсан чиглэл гарсан. Ажлын хэсэг хэд хэдэн асуудлыг зохицуулж, хэвийн байдалд оруулна. Хоёрдугаарт, шатахууны болон халдварын асуудал нь улс төрийн хурцадмал үед үүсэж байна.
Ковид19-ийн нөхцөл байдал зөвхөн Монголд бус дэлхийн дахинд хүнд байна. Үүн дээр Засгийн газар, ЭМЯ холбогдох арга хэмжээг авч ажиллаж байгаа.
Түүнчлэн цар тахлын улмаас бараа, бүтээгдэхүүний үнэ тээврийн үнэ өссөн. Эдгээр бэрхшээлийг даван туулахыг тулд Эдийн засгийг эрчимжүүлэх хуулийн төслийг удахгүй УИХ-д өргөн барина. Би 1990-ээд оноос хойш улс төрд ажиллаж байна. Өнөөг хүртэл ийм хэмжээний хямрал үзээгүй" гэлээ.
