Монгол Улс болон Бүгд Найрамдах Перу Улс хоорондын хэлэлцээр 10 дугаар сарын 01-ний өдрөөс хүчин төгөлдөр үйлчилж эхлэхээр боллоо.

Энэхүү хэлэлцээрийн дагуу хоёр улсын хүчин төгөлдөр энгийн паспорт эзэмшигч иргэд аялал жуулчлалын зорилгоор нөгөө талын нутаг дэвсгэрт нэвтрэх, зорчих, дамжин өнгөрөх, гарахдаа анх нэвтэрсэн өдрөөс эхлэн 180 хоногийн дотор 90 хоногоос хэтрэхгүй хугацаанд харилцан визгүй зорчих боломж бүрдэж байна. Ингэснээр Монгол Улсын энгийн паспорт эзэмшигч иргэд 25 улс, үүнээс Латин Америкийн долоон улсад визгүй зорчих боломжтой болох юм.